Komiteti Ekzekutiv i Federates Shqiptare te Futbollit caktoi datën 7 shkurt për zhvillimin e punimeve të Asamblesë Zgjedhore të Futbollit Shqiptar.
Do të jenë rreth 30 ditë nga sot deri në ditën e zgjedhjeve për postin e Presidentit të Federatës Shqiptare të Futbollit dhe organeve të tjera drejtuese. Për momentin ende nuk ka asgjë të qartë sa i përket kandidaturave. Presidenti aktual Armand Duka, edhe pse duket më i favorizuar në letër për një mandat të pestë, ende nuk e ka zyrtarizuar pjesëmarrjen e tij në garë.
Gjithashtu edhe zërat për një kandidim të mundshëm të Bashkim Finos, nuk kanë asgjë zyrtare. Kështu që për asamblenë e ardhshme zgjedhore, për momentin dihet vetëm data. Punimet do të mbahen në Hotel Adriatik në Durrës, duke filluar nga mëngjesi i datës 7 shkurt.
Top Channel
