Jo të gjithë amerikanët gëzuan për Krishtlindjen. Festa e një 58-vjeçareje nga Pensilvania për pak u shkatërrua nga fatura e energjisë elektrike që i mbërriti për një muaj.
Mary Horomansky tërhoqi si zakonisht faturën përmes kutisë së vet postare, por shifra nuk ishte si gjithmonë.
58-vjeçarja thotë se kur pa të shënuar shifrën prej 284 miliardë e 460 milionë dollarë mbeti e shtangur dhe nuk dinte si të vepronte.
“M’u bllokuan mendimet dhe fillimisht mendova mos kishim harxhuar më shumë se zakonisht ngaqë kishim ndezur dritat e zbukurimit në oborrin e shtëpisë dhe tek pemët. Por, më pas kuptova që shifra ishte e tepërt dhe dyshova se bëhej fjalë për një gabim”, thotë ajo.
Dhe kështu ishte! Gjithçka në faturë ishte një gabim me 6 zero me tepër dhe fatura e vërtetë ishte 284 dollarë.
Top Channel
