Filipinet mohuan raportet se do ta zhvendosin edhe ato ambasadën nga Tel Avivi në Jeruzalem.
Ministri i Jashtëm, Alan Peter Cayetano deklaroi se nuk është e vërtetë që vendi i tij do të rreshtohet mes 10 shteteve që mund të marrin në konsideratë transferimin.
“Kemi pasur komunikime të qarta me miqtë tanë në Lindjen e Mesme, por asnjë diskutim për ta dërguar misionin tonë diplomatik në Jeruzalem”, sqaroi ai në televizionin e Manilës, GMA.
Të hënën, ministrja e Jashtme izraelite, Tzipi Hotovely njoftoi se shteti hebre është në bisedime me 10 vende që mund të ndjekin shembullin e Shteteve të Bashkuara dhe Guatemalës. Negociatat, sipas saj, ishin fokusuar si fillim tek njohja e Jeruzalemit si kryeqyteti i Izraelit më tepër sesa tek zhvendosja e menjëhershme e ambasadave të tyre.
Në 7 dhjetor, Trump shkaktoi një tërmet diplomatik me vendimin e tij për ta bërë këtë njohje e për të dërguar në Jeruzalem Ambasadën Amerikane. Izraelitët e përshëndetën thuajse njëzëri këtë lëvizje. Aq e madhe është mirënjohja e tyre, sa u vendos që stacioni i ri i metrosë pranë murit perëndimor të qytetit të shenjtë të marrë emrin e shefit të Shtëpisë së Bardhë.
Në muajin maj, gjatë turit të tij në disa vende të Lindjes së Mesme, Trump u bë Presidenti i parë amerikan në detyrë që vizitoi murin perëndimor, vendi më i shenjtë për hebrenjtë.
Top Channel
