“Çfarë më bën të lumtur…”/ Vrasja e 14-vjeçarit në Tiranë, vogëlushi Rajan Lica drithëron studion e “ArtKand” me një monolog kundër dhunës 23/11 21:02
Një studim i përbashkët mes shkencëtarëve danezë, anglezë dhe kinezë ka arritur në përfundimin se peshkaqenët e Groenlandës janë vertebrorët më jetëgjatë në planet.
Bëhet fjalë për një specie që jeton në ujërat thellësitë e ujërave të ftohta nga Veriu i Atlantikut deri në Veri të Arktikut dhe shtrirje nga Groenlanda deri në Shtetet e Bashkuara e Kanada.
Duke analizuar ADN-në e siguruar nga kapja e një peshkaqeni të gjallë, shkencëtarët arritën në përfundimin se ky vertebror mund të arrijë jetëgjatësinë deri në 512 vite.
Fokat janë menuja kryesore e këtyre peshkaqenëve, por nuk mungojnë rastet e ushqimit me mbetjet e kafshëve të tjera detare të ngordhura.
Studiuesit thonë se ky peshkaqen arrin pjekurinë seksuale në moshën 150-vjeçare. Por, e gjithë kjo jetëgjatësi nuk vjen pa kosto. Shkencëtarët kanë gjetur në sytë e këtyre peshkaqenëve parazitë të fuqishëm, aq sa besohet se në shumë raste, këta parazitë janë shkaktarë për humbjen e shikimit të peshkaqenëve.
ADN e këtyre peshkaqenëve po studiohet për të kuptuar se çfarë e bën atë kaq jetëgjatë dhe për të shfrytëzuar njohuritë e dala prej këtyre studimeve në dobi të rritjes së jetëgjatësisë së njeriut.
Top Channel
