Kreu i emigracionit në SHBA: Duhet ‘një jetë njeriu’ për të deportuar të gjithë emigratët kriminelë nga New York (fotot)
23/11 21:40
Shkencëtarët e kolegjit universitar të Londrës kanë hedhur një hap kolosal përpara në kurimin e sëmundjeve neurodegjenerative, pasi mundën që të korrigjojnë për herë të parë defektin që shkakton më të frikshmen prej tyre, pikërisht sëmundjen e Huntingtonit.
Ata krijuan një ilaç eksperimental, të cilin e injektuan në lëngjet e shtyllës kurrizore te pacientë të ndryshëm, e kjo uli ndjeshëm nivelin e proteinave toksike në tru.
Ekipi i studiuesve në Londër tha se, provat e suksesshme kanë shtuar shpresat që të arrihet ndalimi i plotë i kësaj sëmundjeje vdekjeprurëse.
Sipas ekspertëve, ky mund të jetë zbulimi më i madh i 50 viteve të fundit, përsa i takon sëmundjeve neurodegjenerative. Vdekja e pandalshme e qeliza nervore, si pasojë e Huntingtonit, përkeqëson gradualisht lëvizjen, sjelljen, kujtesën dhe aftësinë për të menduar qartë tek ata që prek, derisa i zhyt në gjendje vegjetative dhe sjell vdekjen.
Disa ekspertë dhe pacientët e përshkruajnë atë si “Parkinson”, “Alcajmer” dhe sëmundjen e neuroneve të lëvizjes, që të gjitha në një. Shkencëtarët thonë se askush nuk e priste suksesin e testeve të para, që sollën ngadalësimin e sëmundjes, madje edhe rikthim të lëvizjes te disa pacientë.
Sigurisht që rezultatet duhen parë edhe në planin afatgjatë për të vulosur suksesin e kurës, por shkencëtarët janë që tani optimistë dhe thonë se i njëjti parim, pra modifikimi i gjenit që shkakton sëmundjen, mund të përdoret edhe për sëmundje të tjera të këtij lloji.
Top Channel
