Emergjencat janë në alarm për më të keqen që mund të ndodhë për shkak të motit të keq. Rrebeshi ka nisur në Gjirokastër,por ministrja e Mbrojtjes, Olta Xhaçka thotë se po monitorohet i gjithë vendi.
“Në cilësinë e ministrit të Mbrojtjes i bëj apel të gjithë qytetarëve, veçanërisht të zonave të prekura apo riskuara nga reshjet që të ndjekin udhëzimet që po u jepen nga zyrat e Emergjencave Civile pranë prefekturave dhe bashkive përkatëse. Parandalimi i pasojave dhe siguria e jetës së çdo qytetari është detyrë parësore për të gjithë përfaqësuesit e pushtetit vendor dhe çdo efektiv të FA. I drejtohem çdo qytetari të bashkëpunojë dhe respektojë udhëzimet e strukturave përkatëse për të kapërcyer vështirësitë dhe për të përballuar çdo situatë sipas parashikimeve që mund të përkeqësohen në ditët në vijim”, tha Xhaçka.
Top Channel
