Kryeministrja britanike, Theresa May mund të përballet me probleme nëse ajo do të tentojë të hyjë në një lokal për një pije, në qetësi, pas një dite të vështirë në numrin 10 të Downing Street.
Pronarët e çdo pub-i në zonën zgjedhore të May, në Maidenhead, thonë se po mendojnë që ta ndalojnë atë të hyjë në lokalet e tyre. Sipas tyre, qeveria ka reduktuar fondet për policinë duke bërë që njerëzit të ndjehen më pak të sigurt.
Pronarët e lokaleve thonë se ka shumë më pak policë në qarkullim gjatë fundjavave dhe atyre, u duhet ndonjëherë një orë për të reaguar në rast se raportohen telashe në ndonjë pub, duke rrezikuar stafin dhe klientët.
Nëse do të bihet dakord për ndalimin e hyrjes së kryeministres në pub-e, atëherë, Theresa May, njësoj si huliganët lokalë, do të duhet të gjejnë një vend tjetër për të kthyer një gotë.
Kryeministrja, e cila që prej 1997 ka qenë deputete e zonës zgjedhore të Berkshajërit, ka pësuar një goditje tjetër të rëndë në zgjedhjet e qershorit, kur ajo u detyrua të renditej në listë pas kandidatit të pavarur, lordit Bakethead.
Top Channel
