Milani, gati ‘kurthin’ për Insignen
16/11/2017 23:49
Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Milani vijon përgatitjet për sfidën e të shtunës në mbrëmje, përballë Napolit.
Kuqezinjtë do të luajnë shansin e fundit për të treguar se mund të përballen me ekipet e kreut, por edhe për të mos e thelluar edhe më shumë diferencën me zonën Champions.
Trajneri Montella po punon shumë, veçanërisht në repartin e mbrojtjes, ku kuqezinjtë kanë vuajtur shumë dhe për më tepër do të ketë përballë një sulm vrastar si ai i Napolit. Tekniku i Milanit ka përgatitur një surprizë edhe për futbollistin më në formë të napolitanëve, Lorenzo Insignen, teksa i ka rezervuar një markim special.
Në rreshtimin 3-4-3, të Montellës, bie në sy aktivizimi i Bonuccit si mbrojtës i djathtë, pikërisht në zonën ku qarkullon Insigne. Kjo zgjedhje e Montellës, duket se bëhet për të minimizuar dëmet nga krahu i majtë i sulmit napolitan, por edhe për t’i dhënë Bonuccit më shumë mundësi të luajë me topin dhe të nisë kundërsulme.
Top Channel
