Golden State reagoi mjaft mirë pas disfatës së pësuar një ditë më parë nga Detroit Pistons në ndeshjen e radhës së kampionatit të NBA.
Skuadra kampione fitoi derbin kalifornian me LA Clippers në Staples Center të Los Angelesit 141-113 duke i shkaktuar kësaj të fundit humbjen e dytë radhazi. Skuadra e Warriors pati si protagonist në këtë ndeshje yllin e saj Stephen Curry që e mbylli takimin me 31 pikë, ndërsa Durant shënoi 19. Në krahun tjetër Danilo Gallinari shënoi 19 pikë dhe dha 4 asist, por ishin shumë pak për skuadrën e Clippers
Ndeshja më interesante e këtij raundi në NBA ishte padyshim ajo e zhvilluar në TD Garden mes Bostonit dhe San Antonios ku triumfoi skuadra nga Massachusets 108-94. Celtics të drejtuar nga Kyrie Irving ishte në udhëheqje të rezultatit gjatë gjithë kohës dhe në fund arriti të fitojë këtë opërallje duke e thyer tabunë San Antonio, i cili që nga 2011 i ka shkaktuar vetëm disfata. Për më tepër, me këtë sukses, Bostoni shkon në krye të renditjes së Konferencës së Lindjes së bashku me Detroit dhe Orlandon.
Tifozët e Houstonit u bënë dëshmitarë të një ndeshje të bukur mes Rockets dhe Philadelphias që u fitua nga kjo e fundit 115-107. Ai që u bë protagonist në Toyota Center ishte Ben Simmons me 24 pikë, 7 topa në tabelë dhe 9 assist, ndërsa Joel Embiid e mbylli takimin me 22 pikë.
Në ndeshjet e tjera Memphis u mund nga Charlotte 99-104, Orlando fitoi me New Orleans 115-99, ndërsa Dallas pësoi një tjetër humbje, këtë radhë ndaj Utah Jazz 104-99.
Top Channel
