Në kuadër të operacioneve për kapjen e personave në kërkim, policia e Durrësit ka vënë në pranga një shtetas të kërkuar nga drejtësia italiane.
Nga të dhënat e fundit zyrtare rezulton se në pranga ka rënë shtetasi Hektor Kosturi, 31 vjeç, i kërkuar për trafik ndërkombëtar droge.
Sipas të dhënave, në janar të vitit 2014 Kosturi së bashku me shtetas të tjerë shqiptarë e italianë organizoi trafikimin drejt Italisë të rreth 60 kg heroinë.
31-vjeçari akuzohet nga autoritetet e qytetit të Parmës për “pjesëmarrje në organizatë kriminale” dhe “trafik droge”, për të cilat rrezikon të dënohet me 20 vjet burg.
Pas arrestimit, materialet hetimore i kanë kaluar prokurorisë së rrethit përkatës, për nisjen e procedurave të ekstradimit.
Top Channel
