Edhe pse në kampionate të ndryshme dhe me koeficent jo të njëjtë vështirësie, dy sulmues të njohur po spikatin në ligat kryesore të futbollit Europian duke u rikonfirmuar pas disa oshilacioneve si makinë golash.
Në sfidën e fundit në Bundesliga-n gjermane, Robert Lewandowski shtoi një kapitull të lavdishëm në historinë e tij te Bayern, por kjo nuk evitoi dot gjysmë hapin fals në barazimin me Wolfsburg.
Sulmuesi polak që kohët e fundit ka patur përplasje me drejtuesit dhe ka kritikuar ekipin bavarez, ka barazuar Elber në historinë e Bayernit si golashënuesit më të mirë të kësaj skuadre. Me rrjetën e firmosur ndaj Wolfsburg, sulmuesi është shumë pranë arritjes së rekordit për të qenë i vetëm golashënuesi më i mirë në historinë e bavarezëve. Lewandowski dhe Elber kanë nga 92 gola të shënuar. Në vendin e tretë është ish sulmuesi peruan, Pizarro.
Akoma më efikas është këtë sezon kolumbiani Radamel Falcao. Huazimet e dështuara dhe përndjekja nga dëmtimet duket se kanë marrë fund për sulmuesin që po bën të harrohet largimi i Mbappe.
Falcao ka shënuar 11 gola në Ligue 1 këtë sezon. Por, ajo që e bën të veçantë Falcaon është efikasiteti i jashtëzakonshëm i kolumbianit. Falcao ka goditur 12 herë në portë dhe ka shënuar plot 11 herë.
Top Channel
