Rrogozhinë, banorët e Gosës kundër landfillit të ri
20/09/2017 00:00
E reja në Vlorë humb kontrollin e mjetit dhe përfundon në lumë bashkë me dy fëmijët 03/05 11:52
Banorët e njësisë administrative Gosë, në Bashkinë e Rrogozhinës, kërkuan zbardhjen e vendimit të Këshillit Bashkiak, i cili ka vendosur të ndërtohet një landfill në afërsi të fshatit të tyre.
Ata thonë se ky landfill do të ndërtohet vetëm 1 kilometër larg banesave të tyre. Për ta kundërshtuar, ata kanë hartuar një peticion dhe kanë mbledhur 2500 firma. Sipas protestuesve, në këtë landfill do të përpunohen mbetjet e Divjakës, Peqinit, Rrogozhinës dhe Kavajës.
“Nuk jemi kundër landfillit, por duhet gjetur vendi. Ju lutem, mos na pengoni oksigjenin. Mos shtoni gazrat”, thonë banorët.
Kryetari i Komisionit të Mjedisit nga Partia Demokratike, Jamarbër Malltezi, iu bashkua protestës, duke thënë se kjo zonë nuk e meriton këtë helmim: “Ky vendim është marrë në përputhje me ligjin apo në kundërshtim të hapur me ligjin? Ka 16 kritere për përzgjedhjen e një landfilli. Kush nga këto kritere është zbatuar nga bashkia për vendimin e marrë?”
Banorët thonë se do të përshkallëzojnë përpjekjet e tyre për anulimin e këtij vendimi deri në bllokimin e autostradës.
Top Channel
