Kamza ndal Skënderbeun
18/09/2017 00:00
Dita e dytë e “Giro d’Italia” në Tiranë, njihuni me oraret dhe akset që do të bllokohen! Shmangni këto rrugë 10/05 08:35
Skënderbeu nuk ka mundur të marrë më shumë se një pikë nga transferta e Kamzës, duke e mbyllur ndeshjen në një barazim 1-1.
Edhe pse kaluan në avantazh në pjesën e parë, korçarët nuk mundën ta mbanin rezultatin. Ndeshja nisi mjaft e kujdesshme nga të dyja skuadrat dhe rastet për shënim ishin të pakta. Por në minutën e 28 Skënderbeu kaloi në avantazh kur Donjet Shkodra shërbehet nga Nimaga brenda zonës dhe pasi devijohet nga njëri prej mbrojtësve, topi përfundon në portën e vendasve.
Pjesa e parë u mbyll me avantazhin minimal të korçarëve. Ndërkohë, Kamza reagoi në minutën e 67 duke gjetur golin e barazimit me Rezin.
Në minutat e mbetura, Skënderbeu bëri të gjitha përpjekjet për të gjetur golin e avantazhit dhe të tre pikëve nga kjo transfertë, por vendasit u mbrojtën mirë dhe dy skuadrat ndanë nga një pikë.
Në orën 19:00 luhet ndeshja e fundit e javës së dytë në Kategorinë Superiore, Partizani-Kukësi.
Top Channel
