UEFA, Ceferin: Pro afrimit të fundit të merkatos
06/09/2017 00:00
Liverpool fiton 2-1 ndaj Tottenhamit/ Isak shënon, por largohet nga fusha i dëmtuar 20/12 20:51
Presidenti i UEFA-s, Aleksander Ceferin, i zgjedhur në këtë post 16 shtatorin e vitit të kaluar, është shprehur në favor të mbylljes më herët të merkatos së futbollit.
Për këtë temë të nxehtë të kësaj periudhe, Ceferin ka folur për “The Times”.
“Jam i ndërgjegjshëm që po zhvillohet një diskutim serioz në të gjithë Europën mbi mundësinë e afrimit të datës së përfundimit të merkatos verore. Ne, nga ana jonë, jemi duke ndjekur me vëmendje këtë kërkesë. Sipas këndvështrimit tim, nuk është diçka pozitive kur disa lojtarë e nisin sezonin me një skuadër të caktuar, e brenda pak ditësh ndryshojnë fanellë. Më duket sikur krijon paqartësi. Për këtë arsye jam në favor të tërheqjes së datës së mbylljes së merkatos”, ka deklaruar Ceferin.
Top Channel
