Një vatër zjarri e shfaqur mesditën e së martës në një hapësirë me shkurre në fshatin Berzan të Komunës Zejmen në rrethin e Lezhës, rrezikon disa banesa që ndodhen aty pranë.
Forcat zjarrfikëse, ato të Armatosura si dhe punonjës të pyjore, po përpiqen të mbajnë nën kontroll flakët.
Për shuarjën e plotë të tyre kërkohet mbështetje nga ajri, por për shkak të erës që fryn në zonë, është e pamundur për momentin ndërhyrja me anë të helikopterëve.
Në këto kushte forcat njerëzore po përpiqen të mbajnë nën kontroll flakët deri në përmirësimin e kushteve atmosferike për ndërhyrje nga ajri.
Top Channel
