Lumi Osum i cili përshkon mes për mes qytetin e Beratit gjatë stinës së verës ka shfaqur probleme përsa i përket ndotjes, ku jo vetëm era e rëndë por edhe shfaqja e mushkonjave ka qëne një shqetësim tepër serioz për qytetarët.
Në lumë derdhen ujërat e zeza, problem ky që ende s’ka gjetur zgjidhje dhe është rrezik për përhapjen e epidemive, ndërsa shtrati i lumit është i mbushur me aluvjone. Era e keqe të shoqëron për gjatë gjithë shëtitores nga ura e varur deri tek ajo e Goricës zonë e cila ndodhet mes lagjeve muzeale të cilat janë edhe më të vizitueshme nga turistët vendas e të huaj.
Bashkia e Beratit mësohet se ka marrë masa për të stabilizuar këtë problem i cili shfaqet cdo vit. Nënkryetari bashkise Bledar Blana pohon se jane marrë masat e duhura për të minimizuar situatën e ndotjes së lumit.
“Jemi në prag të miratimi të një plani të mirëfilltë i cili do të stabilizojë ujrat ezeza të qytetit duke zgjidhur njëhere e mirë këtë problem tepër serioz për bashkinë e Beratit”, tha Blana.
Sipas një grafiku po bëhet dezinsektimi i zonave ku dyshohet se ka edhe përqëndrim të mushkonjave por edhe insekteve të tjera të dëmshme. Lumi Osum përgjate gjithë rrjedhës së tij është i ndotur pasi në të depozitohen mbetjet e gjitha bashkive të cilat ai përshkon.
Top Channel
