“Dokufest” në Tiranë

“Do të ketë filma prej retrospektivës që kemi kuruar. Retrospektiva e Xhon Smith. Që është një artist avantgardë anglez. Filmim shqiptar të Laert Ramës si dhe disa filma të tjerë“, thotë Nita Deda, drejtore e DOKUFEST.

Në edicionin e këtij viti ka zgjedhur të kurojë programin e tij duke i kushtuar rëndësi temës të së ardhmes.
 
“Ne kemi dashur të theksojmë temën e së ardhmes. në këtë edicion të dokufest dhe zakonisht temat theksohen nëpërmjet programit që kurojmë. Programi që kemi kuruar sivjet është një program shumë i gjerë. Përmban shfaqjen e mbi 200 filmave, koncertet muzikore, konferencën e teknologjisë, festival për fëmijë dhe ekspozita në qytet”, shton Deda.

DokuFest XVI ka shpallur po ashtu edhe programin e fotografisë DokuPhoto, që këtë edicion me krenari do të shënohet përmes një bashkëpunimi me Muzeun Kombëtar të Fotografisë Marubi në Shkodër.

Arkiva e fotografive të Marubi kap dhe dokumenton ngjarje nga historia e trazuar e Shqipërisë (1856-1959) dhe përfshinë fotografi të ngjarjeve të ndryshme publike, ritualeve shoqërore, kryengritjeve në malësi që mbulojnë pikëpamje historike, sociologjike, kulturore dhe antropologjike.

Pjesë e tij sic do vit do të jetë edhe Dokunight,netët festive.

“Festivali Dokufest e ka presën e muzikës Dokunight. Sivjet e kemi një koncert me Robert Bishën edhe korin isopolifonik. Po ashtu edhe një koncert me  më Andrrën, që është një projekt që ka pas mjaft sukses vitin e kaluar”, shpjegon Deda.

Top Channel