Gjyqi për Lazaratin, Çako: Mos nxirrni sekretet
12/07/2017 00:00
Tentuan të korruptojnë policinë për të shmangur ndëshkimin, në pranga dy shtetas 15/09 11:27
Dy vjet pas sulmit ndaj policisë dhe vrasjes së efektivit Ibrahim Basha teksa po patrullonte në fshatin Lazarat, zyrtarë të Policisë së Shtetit i kanë kërkuar Gjykatës së Krimeve të Rënda të mos dalin të dhëna mbi planvendosjen e agjentëve ditën e 25 qershorit 2015.
Duke iu referuar legjislacionit, në një letër drejtuar trupës gjyqësore që po gjykon 11 të akuzuar, drejtori Haki Çako ka kërkuar ruajtjen e sekretit policor.
Kjo letër u lexua nga gjyqtari relator pikërisht në çeljen e seancës, ku pritej të dëshmonin 7 oficerë të RENEA-s, të gjithë të gjendur në zjarrin e një grupi të rinjsh, që dyshohet se kishin planifikuar të rimerrnin nën kontroll fshatin dhe të kthenin hashashin.
Por punonjësit e policisë, mes tyre edhe dy oficerët që mbetën të plagosur bashkë me Ibrahim Bashën, nuk u paraqitën.
Mungesa e tyre justifikohej nga një shkresë e dërguar nga reparti special i RENEA-s, që i sugjeronte gjykatës t’i jepte kohë për të ribërë axhendën për efektivët të cilët janë të angazhuar me shërbim.
Oficerët e RENEA-s, 4 prej të cilëve tashmë janë lëvizur në detyra të tjera, kërkohen për të treguar se si u qëllua ndaj tyre, disa orë pasi forcat e Ndërhyrjes së Shpejtë kishin raportuar për të shtëna armësh në Lazarat.
Për shkak se reparti special RENEA merr pjesë në operacione të rrezikshme, prokurori kërkoi mbajtjen e procesit me dyer të mbyllura ditën që 7 dëshmitarët do të flasin.
Top Channel
