Donald Trump do të caktojë juristin Christopher Wray në krye të Byrosë Federale të Hetimit, shefin e së cilës, James Comey e shkarkoi në mesin e hetimit mbi ndërhyrjen ruse në zgjedhjet presidenciale amerikane të nëntorit.
Pozicioni është vakant prej një muaji. Wray ka shërbyer në adminsitratën e George W. Bush si asistent i prokurorit të Përgjithshëm në periudhën e viteve 2003-2005.
Ai ka qenë po kështu një prej avokatëve që përfaqësuan guvernatorin e New Jersey, njëkohësisht aleat i Trump, Chris Christie, gjatë të ashtuquajturit skandali “Bridgegate”, kur dy ish-zyrtarë të lidhur me të përdorën pushtetin për të mbyllur korsitë e urës “George Washington” në vitin 2013, në një akt hakmarrjeje politike.
Përmes një mesazhi në “Twitter”, Trump e përshkroi Wrayn si një njeri me “kredenciale pa të meta”, ndërsa premton detaje të tjera më vonë.
Top Channel
