Çmim për “Fiks Fare”, BE vlerëson investigimin për sigurinë ushqimore
07/06/2017 00:00
Mot i kthjellët me vranësira kalimtare, parashikimi për këtë të hënë 22/12 07:00
Bashkimi Europian në bashkëpunim me Institutin Shqiptar të Medias, për të tretin vit rresht ndanë çmimet për Gazetarinë Investigativë për vitin 2016.
Çmimi i Bashkimit Evropian për Gazetarinë Investigative shkoi për “Fiks Fare” dhe gazetaren Alisa Mysliu.
Ajo është vlerësuar për kronikën mbi sigurinë ushqimore transmetuar në emisionin “Fiks Fare”. Çmimi i dytë dhe i tretë shkuan për gazetarët Artan Rama dhe Elvis Nabolli, që u përzgjodhën mes 28 aplikantëve nga një juri me gazetarë të mirënjohur.
Kreu i Seksionit Politik, Ekonomik dhe i Informacionit në Delegacionin e BE-së në Tiranë, Jan Rudolph gjatë ceremonisë uroi reporterët e gazetarët për punën e tyre të guximshme.
“Kur mendojmë për lirinë e medias, ne gjithashtu mendojmë për përgjegjësitë për të raportuar faktet e vërteta dhe përgjegjësinë për të thënë të vërtetën”, theksoi Rudolph.
Çdo vit, çmimi i BE-së për Gazetarinë Investigative, organizohet në të gjitha vendet e Ballkanit Perëndimor, për të promovuar dhe mbështetur gazetarinë e mirë investigative.
Top Channel
