Prodhuesit vendas të qumështit: Na mbroni nga importet
11/05/2017 00:00
Kukës, bie prodhimi i mjaltit! Kanë ndikuar kushtet e motit dhe sëmundjet e bletëve 13/10 12:13
Komisioni për vlerësimin e masave për importet do të nisë një procedurë hetimore ndaj importeve të qumështit të trajtuar në temperature të lartë me qëllim mbrojtjen e prodhuesve vendas në këtë sektor.
Në Ministrinë e Ekonomisë u mblodh ky komision ndërinstitucional i përbërë nga përfaqësues të disa ministrive, drejtoria doganave dhe unioni i dhomave të tregtisë.
Anëtarët e Komisionit u njohën me një prezantim nga Ministria e Zhvilimit Ekonomik, lidhur me kërkesën e sektorit të Industrisë së përpunimit të qumështit.
Në analizën për vlerësimin e dëmeve u mor parasysh vëllimi i importeve, i cili ka pësuar një rritje të konsiderueshme prej 34 përqind në periudhën 2011-2016, çmim në ulje i importeve dhe ndikimi në tregun vendas.
Po ashtu u morën parasysh skemat subvencionuese në këtë sektor në vendet e rajonit krahasuar me vendin tonë.
Komisioni ra dakord që të nisë një procedurë hetimore për vendosjen e masave mbrojtëse, ku do të informohen dhe gjithë palët në këtë proces.
Qumështi i trajtuar në temperaturë të lartë është një mënyrë sterilizimi e shpejtë me avuj uji. Ai mundëson mbajten e vetive të produktit të fresket dhe me konservim të gjatë deri në 6 muaj në temperatura ambienti.
Top Channel
