Me qindra automjete kanë qëndruar në radhë pasditën e së hënës në hyrje të territorit tonë në pikat e kalimit kufitarë në Muriqan dhe Han të Hotit.
Më problematike ka qënë situata në piken e kalimit Muriqan, ku radha e automjeteve që kanë dalë nga territori malazez për në Shqipëri është 12 km nga Muriqani deri tek ura e Bunës.
E gjithë radha është me shtetas shqiptarë që kishin ikur për fundjave dhe 1 Majin në Mal të Zi dhe po ktheheshin për në Shqipëri.
Shtetas të ndryshëm shprehem se u është dashur të qëndrojnë deri në tre orë në radhë në territorin malazez.
Mësohet se gjatë mesditës pala malazeze vepruar me procedurë normale që do thotë është bërë regjiistrimi i çdo shtetasi në dalje dhe duke pasur parasysh fluksin, kjo ka krijuar dhe radhë.
Burime nga Policia e Shkodrës pohuan se pasdite pala malazeze ka nisur me procedurë të përshpejtuar duke bërë vetëm kontroll të pasaportave.
Ndërkohë në aksin rrugorë Shkodër-Muriqan janë vëndosur e shërbime të policisë rrugore.
Top Channel
