Konçesioni i bakrit, Ligjet kundër zgjatjes së afatit
25/04/2017 00:00
Kukës, bie prodhimi i mjaltit! Kanë ndikuar kushtet e motit dhe sëmundjet e bletëve 13/10 12:13
Komisioni i ligjeve shprehu rezerva mbi zgjatjen e konçesionit dhënë kompanisë private “Nesco Metal” për shfrytëzimin e tre minierave më të mëdha të bakrit në vend deri në vitin 2046.
Kompania ka me konçesion edhe fabrikën e pasurimit të bakrit në Fushë Arrez dhe në Mjedë.
Sipas deputetëve, ligji shqiptar parashikon që konçesionet të mos i kalojnë 35 vite, ndërkohë që marrëvshja e re me shoqërinë turke e çon kohëzgjatjen në 42 vite.
Shtyrjet mund të bëhen vetëm kur kemi arsye të shkaqeve madhore, ose në raste mjaft specifike, thanë deputetët.
Raporti i komisionit të ligjeve mbi tejkalimin e afateve do t’i shkojë komisionit të ekonomisë, që do të vendosë përfundimisht mbi zgjatjen ose jo të konçesionit.
Industria e bakrit u dha me konçesion në vitin 2001. Afati fillestar ishte 30 vjet. Sipas marrëveshjes, kompania duhet të investonte 19 milionë dollarë, ndërkohë që Ministria e Energjisë thotë se investimet janë tejkaluar dhe kanë arritur në 55 milionë dollarë.
Kjo është një arsye, sipas ministrisë, për shtyrjen e afatit, si një masë për të nxitur më tej investimet në këtë sektor.
Top Channel
