Prefektët e Tiranës
13/04/2017 00:00
Gjuha e shenjave shqipe, për herë të parë hapet dega në Fakultetin e Gjuhëve të Huaja
05/10 15:25
Kur janë mbushur 105 vjet nga krijimi i institucionit të Prefektit të Tiranës, një album me prefektët dhe nënprefektët e saj rrëfen edhe momentet historike kulmore të kryeqytetit.
Tirana e vjetër, themelimi i qytetit, ngritja e flamurit apo krijimi i qarkut janë ato momente që fotografitë e zgjedhura me kujdes ilustrojnë.
Nën autorësinë e Gazmend Bakiut, ky album ishte edhe një mënyrë për t’i nderuar dhe për t’iu bërë një homazh figurave që ndihën kryeqytetin në çdo hap.
“Emrat e shquar si Refik Toptani, Sulejman Kërçiku, Raul Fico, etj, nga sot ne i gjejmë në këtë libër, përmes biografive dhe fotografive të secilit”, tha prefekti aktual i Tiranës, Sadi Vorpsi.
Mimi Kodheli, ish-prefekte e qarkut të Tiranës, theksoi se sa i rëndësishëm është ky institucion dhe rolin e tij kyç në vendimmarrje.
“Unë do të sugjeroja që prefekti të jetë institucion i kontrollit të përgjithshëm të ligjshmërisë së territorit. Shumë prej tyre kanë patur karriera të trazuara dhe ndonjëri edhe është keqpërdorur politikisht, duke u bërë imazhi i asaj që mbase nuk ka qenë asnjëherë”, tha Kodheli.
Të pranishëm në promovimin e këtij albumi me 24 prefektët e Tiranës që prej Qamil Pepës e deri tek Sadi Vorpsi, familjarë të tyre dhe personalitete të ndryshme të Tiranës u vlerësuan me tituj nga Këshilli i Qarkut.
Top Channel
