Situata në Maqedoni, Lavrov: “Punë” e Perëndimit
23/03/2017 00:00
Zgjedhjet e parakohshme në Kosovë, ja kush janë më të votuarit për deputetë deri më tani 31/12 10:01
Zgjedhja e kryetarit të ri të Parlamentit maqedonas, sipas deputetit të BDI-së Artan Grubi duhet të realizohet brenda ditës së enjte. Grubi, i cituar nga mediet vendase, thotë se partitë LSDM dhe BDI, si dhe koalicionet që i dhanë mbështetjen e tyre e kanë planin e zgjidhjes.
“BDI-ja, së bashku me LSDM-në do të zhbllokojnë formimin e Komisionit të Emërimeve, zgjedhjen e kryetarit të Kuvendit, e më pas konstituimin e Parlamentit”, citohet të ketë thënë ai.
“Në këtë mënyrë, mandatimi i Zoran Zaevit për formimin e Qeverisë nuk do të pengohet dot, edhe nëse nuk bëhet nga presidenti Gjorge Ivanov”, ishte komenti i Grubit.
Apelet e perëndimorëve, ndërkohë, vazhdojnë t’i mëshojnë nevojës për shmangien e konflikteve etnike. Një sërë zyrtarësh europianë kanë nxitur Maqedoninë të formojë sa më shpejt institucionet, ndërsa mesazhet nuk kanë munguar as nga Rusia, e cila nuk i flet Shkupit, por Europës që sipas saj po ndërhyn.
Kryediplomati rus, Sergei Lavrov deklaroi se shpreson që vendet perëndimore të kuptojnë rrezikun e përpjekjeve për të destabilizuar situatën në Maqedoni. Sipas Lavrov, është e çuditshme që rajoni i Ballkanit perceptohet si një zonë e aktivitetit provokativ rus dhe se çdo raport normal mes Rusisë dhe Ballkanit ngre shqetësim në Perëndim.
“Situata në Maqedoni është mjaft e komplikuar dhe do ta quaja një krizë, në shumë aspekte e provokuar artificialisht, e cila po sjell përpjekje për të përçarë shoqërinë”, deklaroi Lavrov në Moskë, duke shtuar se aktorët perëndimorë duhet ta kuptojnë se këto veprime nuk sjellin asgjë të mirë.
Top Channel
Zgjedhjet e parakohshme në Kosovë, ja kush janë më të votuarit për deputetë deri më tani 
