Twitter ndjek Facebook dhe publikon videot direkte 360 gradë. Një mënyrë për të përfshirë më shumë përdoruesit e saj, e sidomos për të mos humbur përballë videove online, konkurrencës së ashpër nga YouTube dhe Instagram.
Të gjithë përdoruesit e Twitter dhe Periscope, shpjegon mikroblogu, mund të shohin videot direkte me formatin e ri, por për momentin është publikuar vetëm për partnerët e përzgjedhur.
Live 360 gradë do të shfaqet me një ‘vulë’ të veçantë dhe përdoruesi duhet thjesht të lëvizë smartphone për të eksploruar këndet e ndryshme të filmimit.
Videot e transmetuara live po bëhen gjithnjë e më të kërkuara. Ky funksion prej pak kohësh ka dalë në Instagram dhe në Facebook Live i parë 360 gradë u transmetua nga National Geographic pak ditë më parë.
Ndërsa YouTube është një hap para Twitter dhe Facebook, dhe në fillim të muajit solli rezolucionin e lartë të videove direkte, me rezolucionin 4K edhe në transmetimit live të filmimeve, qofshin këto normale apo 360 gradë.
Top Channel
