Makina e Flor Mumajesit u dogj qëllimisht, filmohet autori
19/12/2016 00:00
Debate në KLP, Tiranës dhe Elbasanit i mungojnë 51 prokurorë
18/07 21:17
Policia e Tiranës po punon për identifikimin dhe kapjen e personit të dyshuar se, mbrëmjen e së dielës i vuri zjarrin automjetit të këngëtarit Flori Mumajesi.
Në pamjet e kamerave të sigurisë, personi duket teksa mban në dorë një qese, në të cilën gjendet një bidon, që dyshohet të ketë qenë i mbushur me lënde djegëse e llojit benzinë.
Nga zjarri i fuqishëm në parkingun e pallatit 4-katësh pranë sheshit “Wilson” u dëmtuan edhe dy mjete të tjera.
Uniformat blu kanë marrë në pyetje administratorin e parkingut nëntokësor, sikurse edhe këngëtarin Flori Mumajesi. Në të njëjtin pallat, ky i fundit ka edhe studion e tij, ndërsa forcat zjarrfikëse kanë hasur vështirësi për nxerrjen e 3 mjeteve të djegura.
Mbrëmjen e së dielës, zjarrfikëset luftuan me flakët për më shumë se një orë, si dhe u evakuan banorët e pallatit. Dëshmia e vet këngëtarit Mumajesi pritet të hedhë më tepër dritë mbi motivet e zjarrvënies së qëllimshme.
Top Channel
