Mes portugezit Mourinho dhe gjermanit Schweinsteiger nuk pati asnjëherë dashuri, madje më shumë mund të thuhet se nuk pati kurrë marrëdhënie. Qëkurse luzitani u bë trajneri i Manchester United, Schweini nuk u mor asnjëherë në konsideratë.
Dhe tani “Djajtë e Kuq” i ofrojnë 11 milionë euro për t’u larguar menjwherë. Futbollisti do të humbasë 7 nga 18 milionë eurot që mund të përfitojë nga kontrata e vlefshme deri në qershorin e vitit 2018. Sezonin e shkuar, ish-mesfushori i kombëtares gjermane luajti 31 ndeshje dhe realizoi vetëm 1 gol.
Më pas erdhi Mourinho dhe marrëdhëniet u ngrinë menjëherë. Schweini u bë pjesë e listës së largimeve, por preferoi të qëndronte në Angli. Vetë tekniku deklaroi rikthimin në skuadër, duke e komentuar se “po i jep një mundësi që ai të rikuperojë formën, për të qenë gati në rast largimi”.
Klubi britanik është i bindur se Bastian nuk përmbush më pritshmëritë për të bërë diferencën dhe preferojnë më mirë që ti mbushin xhepat me para që të lirohen menjëherë nga kontrata e tij me Manchester United.
Top Channel
