Serena Williams edhe këtë vit do t’i mungojë Turneut të fundvitit në tenis, që do të zhvillohet në Singapor. Është vetë amerikania që e konfirmoi këtë lajm duke deklaruar se në këtë moment ajo po mendon për riaftësimin e saj nga dëmtimi në shpatull.
“Jam e detyruar të heq dorë nga turneu i fundvitit në Singapor për shkak të problemeve që kam në shpatull. Për mua është e rëndësishme që të riaftësohem dhe tw jem gati për vitin 2017 dhe Australian Open”, deklaron ish-numri 1 i renditjes botërore.
Nga kjo tërheqje e Williams mund të përfitojnë Johanna Konta ose Carla Suarez Navarro për të qenë mes pjesëmarrëseve në “WTA Tour Finals”, me britaniken që është në avantazh kundrejt spanjolles.
Ndërkaq, 7 tenistet e tjera që do të marrin pjesë në këtë eveniment janë Kerber, Radwanska, Halep, Pliskova, Muguruza, Keys dhe Cibulkova.
Top Channel
