Skeleti i një personi është gjetur një ditë më parë në Kodër Selitë të kryeqytetit nga një banor i zonës, i cili ka lajmëruar menjëherë policinë e Tiranës.
Nga verifikimet e para rezulton se trupi i përket një mashkulli rreth moshës 20 deri 25 vjeç. Pjesa e kokës është gjetur e ndarë nga skeleti, por megjithatë në kafkë nuk janë konstatuar dëmtime.
Dëmtimet janë konstatuar në trupin e viktimës, të cilat mund të jenë shkaktuar edhe nga kafshët, pasi skeleti u gjet në një zonë të thellë të pyllëzuar të kryeqytetit. Sipas policisë, skeleti është të paktën mbi 1-vjeçar dhe është dërguar tashmë në morg për t’iu nënshtruar ekspertizës mjeko-ligjore.
Policia ka nisur hetimet për rastin si dhe po verifikohet regjistri i personave që rezultojnë të zhdukur. Identifikimi i viktimës paraqet vështirësi për shkak të dekompozimit të trupit.
Nga verifikimet e para përjashtohet mundësia që trupi t’i përkasë ndonjë banori të zonës ku gjet.
Top Channel
