Gjermani, ligj kundër ferexhesë

Masën e bëri të ditur ministri i Brendshëm Thomas de Maiziere, i cili nënvizoi se ajo vjen në kuadër të riprojektimit të ligjeve anti-terror në vend.

“Ne e refuzuam çdo formë mbulimi, jo vetëm burkën apo forma të tjera të cilat tregojnë vetëm sytë. Ky është qëndrimi ynë i përbashkët. Mbulimi i fytyrës nuk i shkon për shtat një shoqërie të hapur. Të tregosh pjesët e fytyrës ka rëndësi ekzistenciale për ne që jetojmë bashkë në një komunitet. Është gjithashtu jetike për solidaritetin tonë, prandaj ju bëj thirrje të gjithëve që përdorin këtë veshje: tregoni fytyrën tuaj”, deklaroi De Maiziere.

Përveçse nëpër shkolla, gratë myslimane nuk do të lejohen të mbulojnë fytyrën edhe nëpër institucione shtetërore si gjykata apo ministri. Propozimet e kristian-demokratëve duhet të miratohen nga qeveria para se të zyrtarizohen si ligje.

Ndryshimet e reja të propozuara nga Angela Merkel vijnë në një moment kyç, kur partia e saj ka humbur shumë pikë përballë Alternativës së anti-emigrantëve në Gjermani.

Top Channel