Më shumë se 28 mijë rrënjë kanabis sativa janë zbuluar dhe asgjësuar në Sarandë dhe Vlorë nga policia.
Fillimisht, policia e Sarandës në bashkëpunim me Policinë Kufitare, gjatë kontrollit të përbashkët për evidentimin e kultivimit të bimëve narkotike, në vendin e quajtur “ish-Posta Kufitare Perdhikal”, kanë zbuluar dhe asgjësuar në total 26.500 rrënjë bimë narkotike kanabis. 15 mijë rrënjë ishin ende nëpër kubikë, ndërsa 5 mijë të tjera ishin të mbjella në tokë me një lartësi nga 5 deri në 30 centimetra.
Ndërkohë, 1 mijë rrënjë kanabis u zbuluan nga policia e Vlorës të mbjella në anë të lumit në fshatin Resulaj, me lartësi nga 5 cm deri në 10 cm. Edhe në fshatin Sevastër të Vlorë u zbuluan 530 rrënjë kanabis në vendin e quajtur “Pylli Dobre”.
Pas evidentimit të parcelës së mbjellë, policia e shtetit ka bërë shkatërrimin me anë të djegies dhe nisi hetimin për të gjetur personat që kanë kryer kultivimin.
Top Channel
