Të paktën prej një jave në Malin e Bardhë vijojnë zjarret dhe deri tani nuk ka patur asnjë ndërhyrje për shuarjen e tyre.
Fillimisht flakët në këtë mal janë vërejtur mbi fshatin Bllacë dhe më pas në Stushë të njësisë administrative Shupenzë dhe prej një jave kanë kaluar në anën tjetër të këtij mali, duke vijuar deri në afërsi të fshatit Krajkë, në njësinë administrative Zerqan.
Zjarret, të ndihmuara edhe nga era kanë përshkuar dhjetëra hektarë me pyje dushku. Deri më tani nuk është parë të jetë bërë asnjë përpjekje për fikjen e tyre dhe zjarrfikësja e ka patur të pamundur ndërhyrjen për shkak të mungesës së rrugës dhe terrenit të vështirë.
Ndaj e vetmja shpresë për shuarjen e këtyre zjarreve mbetet shpresa për nisjen e reshjeve të shiut.
Top Channel
