Kosovë-Maqedoni, lëvizje vetëm me letërnjoftime
18/04/2016 00:00
Dështon përpjekja e 18-të për konstituimin e Kuvendit të Kosovës 19/05 11:18
Nga e diela në mesditë, ndërmjet Kosovës dhe Maqedonisë ka hyrë në fuqi marrëveshja për lëvizje vetëm me letërnjoftime.
Në ceremoninë përkatëse që u zhvillua në pikën kufitare të Hanit të Elezit morën pjesë përfaqësues të Ministrive të Brendshme nga Prishtina dhe Shkupi, si dhe pjesëtarë të policive kufitare.
Zv.ministri kosovar i Punëve të Brendshme, Valdet Hoxha tha se kjo marrëveshje është një hap para në rrugën e aspiratës së anëtarësimit në BE, për lëvizjen e lirë të mallrave dhe shërbimeve.
Për të udhëtuar drejt Maqedonisë, qytetarët kosovarë duhet të posedojnë letërnjoftimin biometrik. Marrëveshja në fjalë mes Prishtinës dhe Shkupit është nënshkruar më 8 shkurt 2016 nga ministrat e Jashtëm të dy vendeve.
Top Channel
