Indi, 5 të ndaluar për tragjedinë në tempullin hindu

Të pesë të shoqëruarit në polici ishin punonjës të tempullit dhe po merren në pyetje lidhur me spektaklin e paautorizuar të fishekzjarreve, që u bë shkak për fatkeqësinë.

Autoritetet kanë urdhëruar sakaq nisjen e një hetimi zyrtar mbi incidentin. Policia është gjithashtu në kërkim të një numri personash që kishin për detyrë menaxhimin e tempullit dhe festivalit.

Rreth 400 persona të tjerë mbetën të plagosur kur stoqet me fishekzjarre shpërthyen papritur. Një ndërtesë brenda tempullit u shemb, duke u marrë jetën shumë njerëzve.

Mijëra vetë ishin mbledhur për të parë spektaklin në kuadër të festivalit të vitit të ri, një traditë për vendasit. Autoritetet deklarojnë se, menaxherëve të tempullit u ishte mohuar për arsye sigurie leja për fishekzjarre, por ata kishin vazhduar me programin.

Kryeministri indian Narendra Modi, që vizitoi vendin e ngjarjes dhe takoi të plagosurit në spital, u shpreh se “tronditja nga ngjarja nuk mund të përshkruhet me fjalë”.

Top Channel