Emigrantët, rikthehet frika për aksin Libi-Itali
11/04/2016 11:30
Kryeministri gjeorgjian pezullon bisedimet e anëtarësimit në BE deri në fund të vitit 2028 28/11 22:56
Rreziku i një shpërthimi të ri të itinerarit të refugjatëve nga Libia drejt Italisë po bëhet gjithmonë e më i pranishëm dhe Organizata Ndërkombëtare për Migracionin llogarit tashmë që gjatë tre muajve të ardhshëm, mbi 16.000 vetë do të guxojnë t’i rikthehen rrugës së vjetër e të kalojnë detin me gomone, 60% më shumë krahasuar me të njëjtën periudhë të një viti më parë.
Sipas mediave gjermane, kontrabandistët kanë bërë të ditur deri dhe përmes Facebook-ut se biznesi i trafikimit do të fillojë masivisht javët e para të prillit.
Kapiteni Bastian Fischborn, zëdhënës i misionit të marinës të Bundeswehr-it gjerman thotë se kjo është pikërisht periudhë kur merr fund moti i keq në Mesdheun qendror.
Por, edhe pse deti mund të jetë më i qetë, shton ai, si gomonet ashtu edhe varkat e drurit nuk janë të përshtatshme për të përshkuar një distancë të tillë prej 450-600 kilometra.
150.000 deri në 200.000 persona presin në qytetet bregdetare përreth kryeqytetit libian, Tripoli që moti të përmirësohet për të ardhur drejt Europës, njoftojnë shërbimet sekrete.
Federica Mogherini, e ngarkuara e BE-së për politikën e jashtme, paralajmëroi se në total janë gati 450.000 refugjatët që mund të marrin rrugën drejt Europës, edhe për shkak të gjendjes së pastabilizuar politike të Libisë.
Top Channel
