Ministria e Forcës së Sigurisë së Kosovës njofton se në orën 01:30 të mëngjesit është liruar Gafurr Dugolli, drejtor i Zyrës së Protokollit të MFSK-së.
Dugolli u arrestua para një jave nga Policia Kufitare e Maqedonisë në pikën kufitare të Bllacës.
Ndalimi i tij u bë teksa po shkonte me detyrë zyrtare për rregullim të vizave në ambasadën e SHBA-ve në Shkup për llogari të policisë serbe, që kishte dorëzuar në Interpol urdhërarrestin për të.
Dugolli akuzohet nga Beogradi për krime lufte gjatë kohës që ka qenë pjesëtar i Ushtrisë Çlirimtare të kosovës.
Arrestimi i tij pasoi reagimin nga ana e qeverisë së Kosovës, e cila kërkoi ndërprerjen e praktikave të tilla jo vetëm nga Maqedonia, por nga gjithë vendet e rajonit.
Top Channel
