Kush është Patriarku që takoi Papën?

Takimi i ndodhur në Havana të Kubës ishte përfundimi me sukses i përpjekjeve të Vatikanit për realizimin e tij, përpjekje që prej rënies së Bashkimit Sovjetik, por të refuzuara nga Kisha Ruse, që akuzon Kishën Katolike për “rekrutime” agresive në territorin tradicional të ortodoksisë. Moska akoma shpreh shqetësimin e saj për përhapjen e katolicizmit në Ukrainë, megjithatë, takimi mes Papës Françësku dhe Patriarkut Kiril u vlerësua nga të dyja palët si një hap përpara drejtë ngrohjes së marrëdhënieve mes dy kishave.

Por nëse Papa Françesku njihet, emri i Patriarkut Kiril vetëm tani doli në dritë për shumëkënd.

Më poshtë disa fakte për të njohur më mirë atë:

1 – Ai ka lindur në vitin 1946 me emrin Vladimir Mikhailovich Gundyaev nga një familje priftërinjsh, ku si i ati ashtu edhe gjyshi i tij ishin priftërinj

2 – Patriarku Kirill ka përgëzuar presidentin Putin për rolin e tij në rikthimin e Rusisë në vendin që i takon, sidomos në arenën ndërkombëtare.

3 – Patriarku beson se liberalizimi bie krejtësisht ndesh me idealin e krishtërimit

4 – Kirill i ka quajtur homoseksualët një sëmundje dhe ka deklaruar se martesat e të njëjtit seks nuk duhet të miratohen kurrë

5 – Protestën e grupit “Pussy Riot” në 2012 në katedralen e Moskës e cilësoi si “një vepër të djallit”

6 – Për Patriarkun Kirill, patriotizmi rus është “gjithçka dhe një metodë për të mbijetuar” . Ai thotë se Rusia nuk i ka patur asnjëherë frikë armiqtë e vet dhe gjithmonë i ka mposhtur ata. 

Top Channel