“Cross Country 2016”, aktiviteti më i ri në Shqipëri
04/01/2016 13:50
Derbi do luhet me tifozë, FSHF “fal” me llogari Tiranën para Partizanit 25/11 16:26
Viti sportiv 2016 në Shqipëri nisi me edicionin e parë të Cross Country, ku pjesëmarrësit garuan me “mountain bike”. I organizuar nga Federata Shqiptare e Çiklizmit dhe Bashkia e Tiranës, ky aktivitet ishte i hapur për çiklistë profesionistë dhe amatorë.
Garuesit në këtë aktivitet kaluan në trajektoren e re të quajtur Shtegu i Gjelbër, që lidh Tiranën me Durrësin dhe që është e gjatë 68 km. Gara u zhvillua nën reshjet e shiut, që e shtuan akoma edhe më shumë shkallën e vështirësisë së saj.
Sportistët pjesëmarrës ishin të ndarë në disa kategori, profesionistë, garues deri në moshën 30 vjeç dhe ata mbi 30 vjeç. Në përfundim të këtij aktiviteti u përcaktuan edhe fituesit e çdo kategorie si dhe ata të të gjithë garës. Kështu, fitues i këtij edicioni të “Cross Country Albania” u shpall Ylber Sefa, duke lënë në vendin e dytë Isert Gjatollin, ndërsa i treti u rendit Xhorxho Seferi.
Në përfundim të aktivitetit, presidenti i Federatës Shqiptare të Çiklizmit, Skënder Anxhaku vlerësoi të gjithë pjesëmarrësit në këtë aktivitet dhe shtoi se institucioni që ai drejton do të vazhdojë me organizimin e tij.
Top Channel
