Chelsea, Hiddink: Gjërat do të ndryshojnë për mirë
20/12/2015 13:30
Thirrjet raciste në ndeshjen Rumani-Kosovë, Duka: Bojkoti nuk është veprimi më i mirë por… 20/11 08:53
Guus Hiddink është trajneri i ri i Chelsea. Tekniku holandez firmosi me Blutë e Londrës një kontratë që e mban atë në pankinë deri në fund të sezonit.
Hiddink, për të cilin ky është një rikthim te Chelsea, zëvendësoi në këtë detyrë portugezin Jose Mourinho, i cili u shkarkua nga drejtuesit e Chelsea për shkak të rezultateve të dobëta.
Në një intervistë për faqen zyrtare të klubit londinez, Hiddink deklaroi se kampionët e Anglisë do të jenë në gjendje që të kthejnë situatën në favorin e tyre në këtë sezon: “Jam shumë i emocionuar për rikthimin në “Stamford Bridge”. Chelsea është një prej klubeve më të mëdhenj në botë, por në këtë moment nuk është në nivelin që ai e meriton të jetë. Gjithsesi, jam i sigurt se gjërat do të ndryshojnë pozitivisht në këtë sezon”.
Top Channel
