Perez: Mourinho nuk kthehet te Reali
18/12/2015 11:30
Derbi do luhet me tifozë, FSHF “fal” me llogari Tiranën para Partizanit 25/11 16:26
Jose Mourinho nuk do të kthehet te Reali i Madridit. Kjo është ajo që deklaroi presidenti i klubit “merengues”, Florentino Perez, i cili fillimisht konfirmoi qëndrimin e Rafael Benitez në pankinën e 10 herë kampionëve të Evropës.
“Rafael Benitez nuk do të zëvendësohet, edhe pse në media flitet për largimin e tij. Ai do të qëndrojë. E përsërs, trajnerët caktohen nga klubi dhe Benitez ka probleme për të zgjidhur. Përsa i përket Mourinhos, nuk mund të bëj parashikime, por në këtë moment them se ai nuk do të kthehet te Real Madrid. Kam kujtime të mira nga Mourinho, pasi e bëri skuadrën akoma më kompetitive. Kur ai erdhi këtu ishim të 13 në renditjen e UEFA-s dhe ai na çoi në krye, duke na ndihmuar që të luanim në gjysmëfinale të Ligës së Kampioneve për 3 sezone radhazi. Por Benitez është trajneri ynë. Ne zgjodhëm mes disa kandidaturave dhe menduam se në këtë moment ai është personi i duhur”, tha Perez.
Top Channel
