Kapshticë, sekuestrohen 204 kg marijuanë
20/10/2015 09:50
Debate në KLP, Tiranës dhe Elbasanit i mungojnë 51 prokurorë
18/07 21:17
204 kg marijuanë janë sekuestruar në doganën e Kapshticës. Pas një kontrolli të policisë në një kamion që shkonte drejt Greqisë janë zbuluar 50 pako me nga 4- 4.5 kg secila.
Policia ka vënë në pranga drejtuesin e kamionit, Edmond Selimi, 46 vjeç nga Tirana.
“Arrestimi i tij u bë pasi, gjatë kontrollit të ushtruar, nga Policia Kufitare, në vijën e dytë, (në dalje të Republikës së Shqipërisë), mjetit të tij tip Kamion, me ngjyrë të bardhë, me targa AA 839 HZ, iu gjetën të fshehura dhe sekuestruan me cilësinë e provës 50 pako me lëndë të dyshuar si narkotike mariuanë , të mbështjella me natriban të zi, me një peshë totale prej 204 kg. Secila nga pakot kishte një peshë prej 4 – 4.5 kg”, njofton policia.
Dyshohet se destinacion i marijuanës ishte shtetit grek. Hetimet e mëtejshme i kanë kaluar prokurorisë së Krimeve të Rënda në Tiranë në akuzën e trafikut ndërkombëtar të drogës.
Top Channel
