“Stafeta”, kapen 4 trafikantë kanabisi në Durrës
06/10/2015 11:05
Debate në KLP, Tiranës dhe Elbasanit i mungojnë 51 prokurorë
18/07 21:17
Agjentë të antidrogës të qarkut Durrës kanë ekzekutuar në orët e fundit operacionin e koduar me emrin “Stafeta”, i cili është kurorëzuar me 4 të arrestuar dhe një sasi droge të sekuestruar.
Sipas një njoftimi për shtyp të Drejtorisë lokale të Policisë, në pranga kanë rënë shtetasit Sajmir Koçi, 26 vjeç nga Durrësi dhe Arben Ziri, Blerim Çela dhe Altin Çangu, përkatësisht 38, 30 dhe 37 vjeç nga Kruja.
Ndalimi i tyre është bërë në vendin e quajtur “Ura e Gjoles”, në Fushë-Krujë, kur gjatë kontrollit të mjetit tip “Renault Clio” me targë “TR 1658 H”, ku udhëtonin shtetasit Blerim Çela dhe Sajmir Koçi, u gjetën 35 kg lëndë narkotike tip kanabis.
Ndërkohë, dy të arrestuarit e tjerë, Arben Ziri dhe Altin Çangu, po i shoqëronin me një automjet tjetër, tip “Peugeot”, me targë italiane “DJ 786 WA”.
Top Channel
