Presidenti kinez në Siatëll, siguron biznesmenët amerikanë

Duke folur në Siatëll, në fillim të vizitës zyrtare në Shtetet e Bashkuara, zoti Xi deklaroi se kompanitë e huaja janë të mirëpritura në Kinë dhe se qeveria kineze nuk do të manipulojë valutën e saj për të nxitur eksportet.

Ai gjithashtu mohoi përfshirjen e Pekinit në sulmet kibernetike, por theksoi se Kina do të bashkëpunojë me Uashingtonin për këtë çështje.

Por janë të dyja çështjet që kanë cënuar marrëdhëniet amerikano-kineze. Ndaj dhe pirateria informatike dhe reformat ekonomike pritet të jenë në fokus të takimit që Xi do të zhvillojë me homologun amerikan Barack Obama, ditën e premte në Shtëpinë e Bardhë.

Gjithësesi, fjalimi i presidentit kinez në banketin e organizuar në Siatëll ishte gjithëpërfshirës, miqësor dhe i ngrohtë, i shoqëruar nga proverba kineze dhe referenca tek kultura amerikane.

Nga filmi “I pagjumë në Siatëll” tek Walt Whitman, presidenti Xi lëvdoi kulturën e vendit pritës. Ai tha gjithashtu se, i bënte shumë përshtypje vepra e Ernest Hemingway “Plaku dhe Deti”, që rrëfen sfidën epike të një peshkatari me një peshk-shpatë.

Presidenti foli gjithashtu edhe për sfidat e Kinës, duke bërë një pasqyrim të adoleshencës së tij, kur pnonte si fshatar në një fshat të varvër, ku për muaj të tërë mungonte mishi.

Top Channel