Edhe mbrëmjen e së enjtes, Fiks Farë trajtoi problemin e rrezikut me të cilin përballen të miturit, të cilët në Shqipëri janë të pambrojtur nga përdorimi i alkoolit, duhanit apo drogës.
Një ditë më parë u transmetuan pamjet ku dy të miturit mund të blinin lehtësisht cigare dhe pije alkoolike, madje mund të vendosnin edhe skedinë.
Menjëherë pas kësaj, të miturit u vunë në kërkim të një lloj droge të quajtur hashash. Të gjendur në zonën ku kishin dëgjuar se kjo drogë shitej, ata pyetën banorët e drogës nëse vërtet kishte shpërndarës të kësaj droge. Pas bisedave që bënë me banorët e zonës, fëmijët kuptuan vendin se ku shitej hashashi. Ata takuan shpërndarësin dhe më pas bënë blerjen e produktit.
Fëmijët: Na kanë thënë se këtu shesin kështu, bar…A di gjë a ka këtu?
Banori: Çfarë bari?
Fëmijët: Bar me pi…
Banori: Atje sipër, te ajo dera, tek ajo kafja aty.
***
Fëmijët: A dini gjë ku shitet kështu bar?
Banori: Ik andej njëherë. Futjani një herë andje. Futjani, kërcitjani një herë andej…Pyeti, çaj Lazarati?
***
Fëmijët: Kena marrë vesh që këtej shitet bar, ku mundena me gjet? Bar a ka?
Kalimtarët: Po, ka cigare…
Fëmijët: Cigare, po kështu me qese të vogla? Po sa është cigarja për shembull?
Kalimtarët: 2500 lekë të vjetra.
***
Fëmijët: A din gja ku shitet bar, a na ndihmon dot? Ndonjë gjë brenda 10000 lekëve të vjetra?
Shpërndarësi: Sa? Sa lekë doni me marr?
Fëmijët: Brenda 10 milekëshit o burrë. Sa është? Dy cigare.
Shpërndarësi: Po mo, hajdeni…
Fëmijët: 10 mijë lekë të vjetra këto të dyja?
Shpërndarësi: 10 mijë lekë do?
Fëmijët: Jo mo këto të dyja. Sa bëjnë këto të dyja?
Shpërndarësi: 2500 po ta jap një rrige (cigare hashashi)
Fëmijët: Në rregull, këto të dyja.
Shpërndarësi: Po ashtu…ku rrini ju?
Fëmijët: Këtu more, këtu afër…
Shpërndarësi: Po ashtu merre numrin tim ta kesh…
Top Channel
