Qeveria e Kosovës themeloi Këshillin Kombëtar të Investimeve, një detyrim i projektit ndërministror të 6 vendeve të Ballkanit perëndimor, i iniciuar nga Gjermania.
Ministri i Integrimit Europian, Bekim Çollaku tha në mbledhjen e qeverisë se qëllimi i Këshillit është hartimi i listës së prioriteteve për investime kapitale dhe qasje në fondet e investimeve.
Nëpërmjet një ligji të veçantë, qeveria e Kosovës paraljmëroi se do të rregullojë administrimin e pasurisë së sekuestruar dhe konfiskuar si pasojë e veprave penale.
Qeveria po kështu i hapi rrugë realizimit të kredisë së Komunës së Prishtinës nga Banka për Rindërtim dhe Zhvillim. Synimi i saj është blerja e autobusëve të rinj me qëllim përmirësimin e transportit publik në kryeqytetin kosovar.
Në këtë mbledhje, ekzkeutivi u vazhdoi kontratën e punës edhe për nga një mandat trevjeçar 8 zyrtarëve të lartë në institucione të ndryshme publike.
Top Channel