Demokracia e brendshme, partitë kritikojnë njëra-tjetrën

Basri Musmurati, i Partisë Demokratike të Kosovës, deklaroi se nuk janë të kënaqur me demokracinë e brendshme në subjektet politike në vend. Megjithatë, ai u shpreh se janë të kënaqur me organizimin e brendshëm të subjektit të tyre, në përfshirjen e strukturave të ndryshme në kuadër të partisë.

Nënkryetari i Lëvizjes Vetëvendosje, Dardan Molliqaj, tha se në Kosovë nuk merren parasysh dy lloje të demokracisë, ajo direkte dhe ajo e pjesëmarrjes, duke marrë shembull koalicionin PDK-LDK.

Përveç demokracisë së brendshme, në këtë tryezë u diskutua edhe për procesin zgjedhor dhe sistemin politik në vend. PDK dhe VV kërkojnë që të ndryshohet ligji zgjedhor. Sipas tyre, në zgjedhjet e ardhshme për President, ky i fundit duhet të zgjidhet në mënyrë të drejtpërdrejtë.

Sali Morina nga LDK, tha se zgjedhja e Presidentit me votë të drejtpërdrejtë nënkupton një demokraci të mirëfilltë. Ai që nuk e sheh si shumë të rëndësishëm mënyrën se si zgjidhet Presidenti, është kryetari i Këshillit Kombëtar të Nismës, Jakup Krasniqi.

Sipas tij, praktika ka treguar se presidentët në Kosovë nuk i kanë kryer detyrat e tyre kushtetuese për shkak të pazareve politike që janë bërë. Ndërsa për demokracinë brenda partive politike, Krasniqi tha se ajo nuk ekziston te subjektet politike në Kosovë.

Top Channel