F1, Marussia kundër gazetës ‘Bild’
15/11/2014 00:00
Nga Superiorja në Conference League, katër arbitra shqiptarë do të vendosin drejtësi në duelin europian 26/11 16:12
“Jemi të tronditur dhe të zemëruar!” Kjo është përgjigja që skuderia Marussia i ka dhënë lajmit të publikuar nga gazeta gjermane ‘Bild’ mbi aksidentin e Jules Bianchi.
Sipas ‘Bild’-it, skuderia ka nxitur pilotin francez të rriste shpejtësinë për të kapur Caterhamin e Ericssonit, edhe pse kushtet e pistës ishin shumë të vështira në cirkuitin e Suzukës.
“Në kohën që piloti ynë është i plagosur rëndë në spital dhe skuadra ka sqaruar se prioritet është mirëkuptimi për të dhe familjen e tij, duhet t’i përgjigjemi disa lajmeve shokuese dhe të pasakta mbi rrethanat e aksidentit. Jules uli shpejtësinë kur dolën flamujt e verdhë. Këtë gjë e tregon telemetria që skuadra i ka paraqitur FIA-s”, lexohet në komunikatën e skuderisë Marussia.
Gjithashtu, Marussia saktëson se “është e qartë nga komunikimet në radio që në asnjë moment nuk i është dhënë urdhër pilotit për të shtuar shpejtësinë”.
Top Channel
