Fluturimi QZ8501 i kompanisë AirAsia është rrëzuar. Grupet e shpëtimit
kanë gjetur të paktën 40 trupa të pajetë në Detin Java duke hequr çdo
dyshim për fatin e avionit të zhdukur dy ditë më parë.
Lajmi është njoftuar nga marina indoneziane që ka angazhuar grupet e kërkim-shpëtimit në pjesën indoneziane të Borneos.
Bashkë me trupat e pajetë mbi ujë janë gjetur çanta e sende të tjera personale të pasagjerëve që deti ka nxjerrë në sipërfaqje.
Avioni i AirAsia me 162 persona në bord humbi kontaktet ditën e dielë gjatë fluturimit nga Indonezia drejt Singaporit.
Shkaqet e tragjedisë janë në hetim e sipër, por dyshohet fort se ajo ka qenë për shkak të motit të keq dhe mosdhënies së autorizimit për pilotin që të ndryshonte kursin dhe të shmangte stuhinë.
Top Channel
