Kryeministri Edi Rama ka përuruar paraditen e së dielës Pedonalen në qytetin e Beratit dhe në të njëjtën kohë ka theksuar se “ky është vetëm fillimi”, pasi sipas tij, “projekti do të shtrihet në të gjithë qytetin”.
“Gjatë fushatës u zotuam që do bëjmë në Berat ato që nuk u bënë në 20 vite dhe në një vit kemi investuar më shumë se 10 vitet e fundit së bashku”, u shpreh zoti Rama.
Kryeministri shtoi se “këto janë projekte që hapin rrugë të reja për ekonominë dhe turizmin”.
Edi Rama premtoi gjithashtu se do të vijohet me projektin e rehabilitimit të lagjeve historike.
Nga ana e tij, kryebashkiaku Fadil Nasufi, tha se për Beratin “po hapet një epokë e re e zhvillimit të qëndrueshëm.”
“Kurrë më parë nuk janë bërë investime të tilla brenda një viti në qytetin tonë”, theksoi zoti Nasufi.
Top Channel